Мамандығы: 04130200 – Логистика (салалары бойынша)

Біліктіліктері:

• 3W04130201 – Экспедитор

• 4S04130202 – Операциялық логист

Оқу мерзімі: 9 сынып негізінде – 3 жыл 10 ай, 11 сынып негізінде – 2 жыл 10 ай

Аталған мамандық мыналарды қамтиды:

• экономикалық, басқару және әлеуметтік-гуманитарлық ғылымдардың негіздерін меңгеру;

• алған білімдерін кәсіби қызметте тиімді қолдану;

• әртүрлі сала кәсіпорындарындағы логистикалық процестерді ұйымдастыру мен басқаруды үйрену;

• көліктік, қоймалық, сатып алу және тарату логистикасының қағидаларын меңгеру;

• материалдық, ақпараттық және қаржылық ағындарды жоспарлау және бақылау әдістерін қолдану;

• жүктерді тасымалдауды және тауарлық-материалдық құндылықтарды алып жүруді ұйымдастыру;

• көліктік және тауарға ілеспе құжаттамамен жұмыс істеу;

• заманауи ақпараттық технологиялар мен логистикалық жүйелерді пайдалану;

• логистикалық процестерді талдау және кәсіпорын қызметінің тиімділігін арттыру бойынша шешімдер қабылдау;

• Қазақстан Республикасының мемлекеттік тілі – қазақ тілін және ресми қолданылатын тіл – орыс тілін меңгеру;

• іскерлік қарым-қатынас психологиясы мен этикасын білу.

Кәсіби қызмет объектілері:

• көлік-экспедиторлық компаниялар;

• логистикалық орталықтар мен қойма кешендері;

• өнеркәсіп, сауда және қызмет көрсету саласындағы кәсіпорындар;

• жабдықтау, сатып алу және өткізу бөлімдері;

• көлік ұйымдары;

• логистикалық ақпараттық жүйелер.

Біздің колледж студенттерге не береді?

• сапалы білім және тәжірибеге бағытталған оқыту;

• заманауи оқыту әдістері;

• жұмысқа орналасудың жақсы мүмкіндіктері;

• жоғары оқу орындарында білімін жалғастыру мүмкіндігі;

• кәсіби байқаулар мен чемпионаттарға қатысу;

• кәсіби және жеке құзыреттерді дамыту.

Оқыту мемлекеттік және орыс тілдерінде жүргізіледі.